پوتتدوق فایدالی دی یوخسا مسئوللار

پوتدوق اینسان اوغلونون یاراتدیغی چوخ دیرلی بیر وسیله دیر. مثلا بیز همیشه ائویمیزه بئش کیلولوق پوتتدوقدا یاغ (نباتی یاغ) آلاریق. یاغلار قورتولاندان سونرا دا بو قوتودان چوخلو ایستیفاده!!! لر ائدریک.

مثلا تبریزلی نرگیز قاپی قاباغیندا اوتواندا بو پوتدوغو یئره قویوب اونون اوستونده اوتوار. آخشام لار دوزسوز ایبراهیم پوتتوغو گوتوروب و ساتیلان لبلبی لرین پولونو بونون ایچینه قویار. یادا بیزیم کئفیمیز ساز اولاندا پوتدوقلا ناغارا چالیب شادلیق ائدریک!

یازینین موضوعو یاددان چیخمادان بوردا بعضی استثنایی مسئوللاردان عذر ایسته ییب بیزیم اداره لریمیزده مسئولیت صندلینده اوتوران بوتون محصوللارین خطیرینه بو سوزلری یازیرام.

آخی چوخ اداره لرده مسئوللارین یئرینه بیر پوتتدوق قویساق ایشلر داها یاخشی قاباغا گئدر. بو آغالار میلیونی آیلیق لار آلیب و خالقین ایشینه دویون سالماق دان باشقا بیر ایش باجارمازلار.

سیز ائله یان دوره نیزه باخساز بو محصوللاری چوخ گوره بیلرسیز 

بایرام  قاباغی گلدی، دای  آیلیق دا تالاندی
باخ گور نه زاماندی
آلدانما اوجوزلوق دوشه جک، بو بی یالاندی
باخ گور نه زاماندی
توخلوق کیمه  آجلیق هامی دونیایه قالاندی
باخ گور نه زاماندی
مفلوک  قالان  واردیسا،     او  رای سالاندی
باخ گور نه زاماندی
وئردیکلری  بیزچون، نه خلعت،  بلکه پالاندی
باخ گور نه زاماندی
سس لر  کسیلیب ،  قهر بوغازلار دا قالاندی
باخ گور نه زاماندی
یالتاقلیق   ائدنلر     نئجه  گور  دای آغالاندی
باخ گور نه زاماندی

چاخانلار چاخانی

 بایرام یالانی 

بایرام یاخینلاشیر و قوناق بازاری شیرین اولاجاق. بیلدیینیز کیمی ده بو گونلر ده چوخلاری چاخان پاخان دئمه کده بیر بیرینین الینی دالدا باغلایاجاقلار.

بیزیم تبریزده و هابیئله آذربایجانین چئشیدلی بولگه لرینده او جومله دن اردبیل زنجان اورمو قزوین تهران و... کیمی یئرلرینده چاخانبازلار بایرام عرفه سینده چوخلو چاخانلار یارادیرلار.

بو موضوعو نظرده آلاراق باشماق وبلاقینین چوخ دیرلی و بویوک مقاملی اداره هئیتی بو قراره گلدیلرکی دونیا سویه سینده لاپ بویوک چاخانین یازانینا ان بویوک اودول وئرسینلر.

ایندی دن اعلان ائدیریک: سانمایین کی بیز مئشه ده آسلان اولمادیغی اوچون بورادا جوولان وئریریک!!!!