کاش اعلمی نین صلاحیتی رد اولا !

بو سوزو چوخ سیاسی دئدی. منده سیزه تای بو جومله دن بیر آندا حیرصلندیم! آخی نیه؟ آقای چوخ سیاسی نیه بئله دئییرسینیز؟! آنجاق آقای چوخ سیاسی منیم هئچ سوزلریمه قولاق بئله آسماییردی. آخی ستاد مردمی کاندیدای ... دان اونا زنگ آچمیشدیلار.

بالاخره تلفن قورتاردی و منه بئله دئدی: آی یازیق دوزسوز ایبراهیم سنین سیاست دن هئچ باشین چیخمیر. من باشیم داکی دری پاپاغی گوتوروب باشیمی قاشیماغا باشلادیم. چوخ سیاسی دئدی: باخ قارداش - اعلمی نین صلاحیتینی وئرسه لر هم کروبی نین هم موسوی نین هم ده احمدی نژادین رایینی آزالداجاق.

من دئدیم . چوخ یاخشی. بوندا کی بیر مسئله یوخدو.

آنجاق آقای چوخ سیاسی دئدی: من کی دئدیم دا اگر اعلمی نین صلاحیتی رد اولسا مصلحتیمیزه دی. چوخ سیاسی جنابلاری بو سوزلری دئینده الینی جیبینه قویدو. من ایسه اوز قلبیمده دئدیم کی چوخ سیاسی قارداش بیزم صلاحیمیزا دی یوخسا سنین جیبینین؟!

نئجه قوربان دئمه یم سن کیمینه
شهریمین آرشینه جان قوربان
واری یوخ آرزی سی چوخ شاعیریمین
مین گوزل آرزیسینا جان قوربان
نه دئییم من بو کیشیه شاعیردیر
خالا هم دای قیزینا جان قوربان
بئله شاعیر بالانین سقلی یوخ
بیغینین بورماسینا جان قوربان
نه دئییر قوی دئسین آما دئمه کی
پولووا دولتیوه جان قوربان
قوربانام

دوزسوز ایبراهیم