بو گونون مرد آدامي!

سياست دن باشيم چيخمير، سولام سولدان اسركن يئل

ساغا باغلي قالان جانيم.  ساغام سولدان كوسركن يئل

اليمده تسبحيم واردي موبايليم دا "لوپز" عكسي!

منم نقاش بو پرده دووارلاردان باساركن يئل.

كيمي باده ايچيب كئفلي، كيمي ترياك ايله يولداش

منم مخمور ايلن سيرداش جيبين دن پول توكركن يئل

قريبه بولبولم گولده، ساغام ساغدا، سولام سولدا،

باشارسان سن بيزه گل ده، باشيندان پول الركن  يئل.

ائویمدن «ائوینه»

ائویمدن «ائوینه» نه قدر یولدو؟               

«ائوین» ده کیم ساغدی یا کیم لر سولدو؟

شهرده اینسانا بوش یئر قالماییب

آداملار هامیسی «ائوینه» دولدو!

بیلی یورد اوستادی قوناقدیر سیزه
دئییر چیخسا گئده جک دیر  تبریزه!
تبریزده نمنه چیخیب دیر دیزه؟
آداملار هامیسی «ائوینه» دولدو!

تبریزدن تهرانا اوزاقدیر یوللار
تهراندا سربسر توزاقدیر یوللار
هامی امگینی تهرانا یوللار
آداملار هامیسی «ائوینه» دولدو!

        Evimdən evinə

Evimdən evinə nə qədər yoldu
Evində kim sağdı yada kim soldu
Şəhərdə insana boş yer qalmayıb
Adamlar hamısı evinə doldu

Biliyurd ustadı qonaqdır sizə
Deyir çixsa gedəcəkdir təbrizə
Təbrizdə nəmənə çıxıbdır dizə
Adamlar hamısı evinə doldu

Təbrizdən tehrana uzaqdır yollar
Tehranda sərbəsər tuzaqdır yollar
Hami əməgini tehrana yollar
Adamlar hamısı evinə doldu

قارا   گوزدو  قاراقاشدی  بیزیم قیز

هاردا آشدی اورداباشدی بیزیم قیز
ارسیز قالیب گئجه گوندوز شعر یازیر
ائولنمک ده چوخ یاواشدی بیزیم قیز

  *   *   *  *   *  *  
سحر آخشام الده موبایل فیرلانیر
هاردا  پوللو  اوغلان گورور قیرلانیر
چای دمله ییب قاب یوماقدا زورلانیر
دانیشماقدا  بئچه باشدی بیزیم قیز

   *    *   *   *  *  * 
بیزیم قیزین هر کوچه ده سوزو وار
تایلارینین   ائکیز  تایی  قیزی  وار
بیزیم قیزین شان شهرت ده گوزو وار
کوپوک کیمی آشدی داشدی بیزیم قیز

*درین حورمتله
دوزسوز ایبراهیم

Harda aşdı orda başdı bizim qız

Qara gözdü qara qaşdı bizim qız
Harda aşdı orda başdı bizim qız
ərsiz qalıb gecə gündüz şer yazır
evlənməkdə çox yavaşdı bizim qız

*   *   *   *   *   * 
Səhər axşam əldə mobayl fırlanır
Harda pullu oğlan görür qırlanır
Çay dəmləyib qab yumaqda zorlanır
Danışmaqda beçə başdı bizim qız

*   *   *   *   *   * 
Bizim qızın hər küçədə sözü var
Taylarının ekiztayı qızı var
Bizim qızın şan şöhrətdə gözü var
Köpük kimi aşdı daşdı bizim qız

Hörmətlə
 * Duzsuz ibrahım

او  ياندان بويناندان بير نئچه سؤز

   دوز سوز ايبراهيم  و تبريزلي نرگيز كئرت جزيره سينه سفر ائتديكلري اوچون بيزيم وئبلاقيميز بير آز آخسيير. عريضه بوش قالماسين دئيه آياق يالين جنابلارينا بير مكتوب يازميشديم. اونو بورادا گتيريرم

   آی بالا بایرامینیز موبارک اولسون! دئ گوروم یئنه ده نه ایشلر چئویریب سن کی قوروما و ی.. گودن‘ باغیشلایین جان گودن لازیم اولوبدی! ماشاللاه سیز کی اوزوز ائله جان گودنسیز! اورالاردا نه خبر. دئ گوروم سیزین یئرلرده اوی (رای= سس) قیمتی نئچه دی؟

   بوردا الله شوکور انتخابات قاباغی تبریزین بوتون فهله لری و اهل عیاللاری بیر گون اولسون دا خوش کئچیردیلر.  رای گونو یعنی اسفندین 24نجو گونو تبریزدن 7000 اوتوبوس و شخصی ماشین ورزقان شهرینه گئتمیشدیلر. بونلار چوخ حساب کیتاب بیلن لر ائله ده چورگی گونون قیمتینه یئین لردنیدیلر.

  اوی قیمتی ورزقاندا 20 مین تومنه قدر ده قالخمیشدی. بوردا انتخاباتدا مشارکت میزانی 124% اولدو.!!!!!!!

   هه بیرده کی تبریزده میللتین سیاسی شعورو آز اولدوغو اوچون!!!!!!!!  یالنیز 21% سئچگی لره قاتیلدیلار. اوسکوده ده اهالی ساییسیندان چوخ صاندیقلاردان اوی چیخدی و بودا بیزیم قهرمان نماینده میز عشرت بمی باغیشلایین عشرت شاییقین اورادا چوخونلوغو قازانماسینا ندن اولدو.

اللها شوکور انتخاباتدا تقلب مقلب یوخودو. دئموقیراسی(۱) تمامیله صلاحیتلی (۲)رای وئرن لر طرفیندن ایشلنیلدی.

(۱)(البته دئم قیراسی ییر مئیوه دیر و دئموقیراسی نین دا بونونلا هیچ علاقه سی یوخدور )

(۲)(آخی هم کاندیدا هم ده رای وئرن لرین بیر چوخونو هئچ نه ایش گورمه یه صلاحیتی یوخدو!)

چوخ سياسي جنابلاري