بولفضولون اوستاد اولماق حئکایه سی

دئییرلر نئچه یوز ایل بوندان قاباق کافر رئفورمیست لر شاهلیغی زامانیندا بولفضول جیبی بوش بیر میرزه ایمیش.

گویا بولفضولون کندلرنیده کی منجیم بیر گئجه بیر یوخو گورور. یوخودا گورور کی کافیر رئفورمیست لر تخت دن دوشه جکلر.

سحر چاغی کند اهلی یوخودان دورار - دورماز منجم باشی کندین اورتا مئیدانینا گئدیب جماعتی سسله یه ر.

جماعتین منجم باشینا چوخ اعتمادلاری واریدی. اونون اوچون منجم باشینین سسینی ائشیتدیکده هامی مئیدانا قاچدی.

ناخیرجی ممد بیر یاندان کور قولام بیر یاندان یانشاق عابباس بیر یاندان و بولفضولجوق دا ائله سورونو کنددن چیخارماییب مئیدانا گلدیلر.

منجم باشی دئدی کی گویا کافیر رفورمیست لر تخت دن دوشه جک. ایندی هر کس زرنگ اولسا اوزونه بیر گون آغلایا بیلر.

ائله بولفضول دا کی اکابیر کیلاسلاریندا بیر ایل آغیر شرایط لری تحمل ائتمک دن سونرا فوق دکترای طنزیلاسیون مدرکینی آلمیشدی فیکره دوشدو.

بولفضول  دا فرصتی غنیمت بیلیب قویون قوزونو بوراخیب پوپیولیست حزبینه عضو اولوب و ترقی نردوانینین پله لرینی اون اون آتلادی.